ЖОЛ ҚАУІПСІЗДІГІ ЕРЕЖЕЛЕРІ

06.08.2026

Жол қауіпсіздігі ережелерін сақтау – әрбір адамның өмірі мен денсаулығын қорғаудың маңызды шарты. Балалардың жолда қауіпсіз жүріп-тұру дағдыларын қалыптастыруға ерекше көңіл бөлу қажет.

 

Жолдағы негізгі қауіпсіздік ережелері:

 

• Жолды тек жаяу жүргіншілер өткелі арқылы кесіп өту;

• Бағдаршамның рұқсат беретін белгісін күту;

• Жолды кесіп өтпес бұрын екі жаққа қарап, көліктің жоқтығына көз жеткізу;

• Жолдың жүріс бөлігінде ойнамау;

• Жолға кенеттен жүгіріп шықпау;

• Автобус пен көлікті жолдың жүріс бөлігінде күтпеу;

• Көлікке мінгенде және түскенде қауіпсіздік ережелерін сақтау;

• Велосипед, самокат және басқа да қозғалыс құралдарын пайдаланғанда қорғаныс құралдарын қолдану;

• Қараңғы уақытта жарық шағылыстыратын элементтері бар киім немесе аксессуар тағу;

• Жол қозғалысы белгілері мен жол полициясы қызметкерлерінің талаптарын сақтау.

 

Құрметті ата-аналар!

 

Балаларға жол қозғалысы ережелерін үнемі түсіндіріп, көшеде және жол бойында қауіпсіз жүріп-тұру дағдыларын қалыптастыруға көмектесіңіздер.

 

Есіңізде болсын! Жолдағы қауіпсіздік ережелерін сақтау – өз өміріңіз бен жақындарыңыздың өмірін қорғау!