Мемлекеттік қызметтер көрсету саласындағы жария талқылаулар

"Мемлекеттік көрсетілетін қызметтер туралы "Қазақстан Республикасы Заңының 23-бабы 5-тармағына сәйкес жыл сайын көрсетілетін қызметті берушілердің, мүдделі жеке және заңды тұлғалардың қатысуымен Мемлекеттік қызметтер көрсету мәселелері бойынша қызмет есептерінің жария талқылаулары өткізіледі. Жария талқылаулар көрсетілетін қызметті берушілер қызметінің есептілігі мен ашықтығы, мемлекеттік қызметтердің сапасы мен қолжетімділігі, мемлекеттік қызметтер көрсету процесін тұрақты жетілдіру, оларды көрсетудің үнемділігі мен тиімділігі қағидаттарын іске асыруды қамтамасыз етуге де арналған.

Ағымдағы жылдың 01 наурызынан 30 наурызына дейін ауданның білім беру бөлімі мен білім беру ұйымдарының сайттарында "Мемлекеттік көрсетілетін қызметтер" бөлімінде "жария талқылаулар" кіші бөлімінде 2021 жылғы Мемлекеттік қызмет көрсету саласындағы қызмет нәтижелері туралы есептер орналастырылады. Аудан тұрғындарына "пікір" терезесінде ұсыныстар немесе ескертулер қалдыруға мүмкіндік беріледі. Ауданның барлық тұрғындарына жария талқылауларға белсенді қатысуға өтініш білдіреміз.